ስለ እኛ

፬/ ዜጎች በኢንተርፕራይዝ ልማት እንዲሰማሩ የኢንቨስትመንት ማስፋፊያ ሥራ ይሠራል፣ የራሳቸውን ኢንተርፕራይዝ አቋቁመው ወደ ስራ እንዲገቡ ከሚመለከታው አካላት ጋር በመተባበር ይሠራል፤ 

፭/ የኢንተርፕራይዝ ልማቱን የሚደግፉና የሚያስተባብሩ የክልል ተቋማትን፣ የባለድርሻ አካላትን፣ የልማቱን ሰራተኞችና የዘርፍ ማኅበራትን የማስፈፀም አቅም ይገነባል፤የአቅም ግንባታ ሥራ ከሚሠሩ ሌሎች ተቋማት ጋር በቅንጅት ይሠራል፤

፮/ ለኢንተርፕራይዞች አስፈላጊ የሆኑ የሥልጠና፣ የጥናት፣ የፋይናስ፣ የማምረቻ መሣሪያ፣ የቴክኖሎጂ፣ የምክር አገልግሎት፣ የማምረቻ ቦታና መሠረተ-ልማት፣ የግብዓት፣ የገበያ ትስስርና ሌሎች ድጋፎች በክፍተትና በዕድገት ደረጃ ላይ ተመስርተው እንዲቀርቡ ያደርጋል፤ ይደግፋል፣ ያስተባብራል፤ 

፯/ ከሚኒስቴሩ ጋር በመተባበር የኢንተርፕራይዞችን ልማትና ምርታማነት ለማሳደግ የሚያስችል የኢንዱስትሪ ኤክስቴንሽን አገልግሎት ይሠጣል፣ እንዲያገኙ ያደርጋል፣ ያስተባብራል፤ 

፰/ የኢንተርፕራይዝ ልማትን ሊያፋጥኑና ተወዳዳሪ ሊያደርጉ የሚችሉ ምርጥ ተሞክሮዎችን ከሀገር ውስጥና ከውጪ ሀገር ይለያል፣ ይቀምራል፣ እንዲሰፉ ያደርጋል፤ 

፱/ ለኢንተርፕራይዞች ጠቃሚ የሆኑ ፕሮጀክት ፕሮፋይሎች፣ ሞዴል ቢዝነስ ፕላኖችና ስፔሲፊኬሽኖች ያዘጋጃል፣ ለተጠቃሚዎች ያሰራጫል፤ 

፲/ በልማቱ ሥር የሚገኙ መሠረተ ልማቶችን በመጠቀም ለኢንተርፕራይዞች እና በዘርፉ መሰማራት ለሚፈልጉ ዜጎች ሥልጠና ይሠጣል፣ እንዲሠጥ ያደርጋል፣ መለዋወጫዎችንና ችግር ፈች የሆኑ የምርትና የቴክኖሎጂ ናሙናዎችን ያዘጋጃል፣ በስልጠና ያሸጋግራል፤ የፈጠራ ሃሳብ ይዘው ለሚመጡ ዜጎች ሃሳባቸውን ወደ ተጨባጭ ምርት እንዲለውጡ ያደርጋል፤ ከሚመለከታቸው አካላት ጋር በቅንጅት ይሰራል፤ 

፲፩/ የኢንተርፕራይዞች የቁጠባ ባህል እንዲያድግና የሥራ ማስኬጃና የማምረቻ መሳሪያ ፋይናንስ ከአበዳሪና ከአከራይ ተቋማት እንዲያገኙ ክትትልና ድጋፍ ያደርጋል፤ ከሚመለከተው አካል ጋር በመተባበር ምቹ የፋይናንስ አቅርቦት ስርዓት ይዘረጋል፤ 

፲፪/ ለኢንተርፕራይዝ አገልግሎት የሚውሉ መሠረተ-ልማት የተሟላላቸው የማምረቻ፣ ማሳያና መሸጫ ማዕከላት ያለማል፣ ያስተዳድራል፤ 

፲፫/ ኢንተርፕራይዞች እርስ በእርስና ከከፍተኛ ማኑፋክቸሪንግ ኢንዱስትሪዎች፣ ከሌሎች ተቋማትና ድርጅቶች ጋር በግብዓት፣ በገበያና በቴክኖሎጂ የሚተሳሰሩበትን ይቀይሳል፣ ተግባራዊ ያደርጋል፤ ስልቶችን 

፲፬/ ኢንተርፕራይዞችን ተጠቃሚ የሚያደርግ ወርሃዊ፣ ክልላዊ፣ ሀገር አቀፍና ዓለም አቀፍ አውደ-ርዕይ ያዘጋጃል፤ ክልሎች እና የግል ተቋማት በተናጠልና በጋራ እንዲያዘጋጁ ያመቻቻል፣ በሀገር ውስጥና በውጭ ሀገር በሚዘጋጁ ኤግዚቢሽኖች ላይ ኢንተርፕራይዞች እንዲሳተፉ ያደርጋል፤ይደግፋል፤ 

፲፭/ ኢንተርፕራይዞችን ተወዳዳሪ ለማድረግና ዜጎች ወደ ዘርፉ እንዲገቡ ምቹ ሁኔታ ለመፍጠር በጥናት ላይ የተመሠረተ የማበረታቻ ስርዓት እንዲዘረጋ ከሚመለከተው አካል ጋር በጋራ ይሰራል፤ ተፈጻሚነቱን ያረጋግጣል፤ 

፲፮/ ለኢንተርፕራይዞች የአንድ መስኮት አገልግሎት የሚሰጡ ማዕከላት እንዲቋቋሙና ወደ ሥራ እንዲገቡ ከሚመለከታቸው ተቋማት ጋር በመተባበር ይሠራል፤

፲፯/ በኢንተርፕራይዝ የሚመረቱና ጥራታቸውን የጠበቁ ምርቶች ደረጃ እንዲወጣላችውና የወጣላቸውም የብቃት ማረጋገጫ የምስክር ወረቀት እንዲያገኙ ሁኔታዎችን ያመቻቻል፤ 

፲፰/ ኢንተርፕራይዞችን ለመደገፍ ተመሳሳይ አላማ ካላቸው በሀገር ውስጥና በውጭ ሀገር ከሚገኙ መንግስታዊና መንግስታዊ ካልሆኑ ተቋማት ጋር የትብብር ስምምነት ያደርጋል፣ ተፈጻሚ እንዲሆንም ይሰራል፤ 

፲፱/ ለዘርፉ ልማት አጋዥ የሆኑ የኢንፎርሜሽን ኮሙኒኬሽን ቴክኖሎጂዎች እንዲለሙ ያደርጋል፤ በዘመናዊ ቴክኖሎጂ በመታገዝ መረጃዎችን ያደራጃል፣ ይተነትናል፣ ያሰራጫል፤ 

፳/ ኢንተርፕራይዞች በአካባቢ ጥበቃ የተቀመጡ መስፈርቶችን እንዲያሟሉ ድጋፍ ያደርጋል፣ ይከታተላል፤ 

፳፩/ ልማቱ በሚኒስትሮች ምክር ቤት በሚወጣው ደንብ መሰረት ለሚሰጣቸው አገልግሎቶች ክፍያ ያስከፍላል፤ 

፳፪/ የጥቃቅን ማኑፋክቸሪንግ ኢንተርፕራይዞችን ልማትና ሽግግር በተመለከተ ከስራና ክህሎት ሚኒስቴር ጋር በመተባበር የድጋፍ ስራ ይሠራል፣ አስፈላጊውን አሰራሮች ይዘረጋል፤ 

፳፫/ የንብረት ባለቤት ይሆናል፤ ውል ይዋዋላል፤ በስሙ ይከሳል፣ ይከሰሳል፤ 

፳፬/ ዓላማውን ከግብ ለማድረስ የሚረዱ ሌሎች ተዛማጅ ተግባራትን ያከናውናል፡፡